කැස්බෑව අවට ප්‍රදේශයේ දරු දැරියන්ගේ නැණ නුවණ වර්ධනය කිරීම අරමුණු කොටගෙන ප්‍රදේශයේ දානපතියෙකු වු මුතුකුට්ටි ආරච්චිගේ ජුවානිස් පෙරේරා මැතිතුමා හා ඔහුගේ සොයුරා විසින් පරිත්‍යාග කරන ලද භුමි බාගයක පොල් අතු සෙවිලි කරන ලද කුඩා ශාලාවක සිසුන් 12 දෙනෙකුගෙන් වර්ෂ 1864 දී මෙම පාසල ආරම්භ කර ඇත. එවකට මෙම පාසල මිශ්‍ර පාසලක් ලෙස පැවතිනි. පසුව වර්ෂ 1978 පෙබරවාරි 18 දින එවකට දේශිය වෛද්‍ය ඇමති ධුරය දැරූ ධර්මසේන ආටිගල මැතිතුමාගේ මුලිකත්වයෙන් බාලිකා පාසලක් බවට පත් කරන ලදී.